![](https://blogger.googleusercontent.com/img/b/R29vZ2xl/AVvXsEgXHPjsJu4sqCbEnuOwM8vxUWWxyh0rkKALFhDWo4FGoHkZImprZ5FwxJPNYXNuLpQ9o4qxRvhSppY8IPKi23RBk62eSOdynPAJIRHDh_kjcCaIde7N6kx37gInTJGKcS9I-bNumPI6f1tQQY1LIUSb60e6wIZpuTJbtjjn8dQHhkeFRK2yQ2jXupDacWrG/s1600/NingshingChe-Vumika-Kaja-Singha-2023%20copy.jpg)
মণিপুরি মহারাসলীলা ১৮১ মারিৎ ফৌইল। এরে ঐতিহ্যবাহী ধর্মীয় সংস্কৃতি এহাত এমারি
নিংশিং চে'র ৮ লাতল ফঙকরে পারলাঙ। যেতার লেখা বারো পাঙলাকে এমারিকার লাতল এগো
ফঙইল তানুরে হৃদিরৌপা থাকাত জানুয়াওরি। বছরে বছরে নুয়া নুয়া লেখা লিখানির
থৌরাঙে এমারিকাউ নিয়াম হবা লেখা পেইলাঙ। ইন্ডিয়া বাংলাদেশর পারেঙ আহান নাঙকাপা
প্রাবন্ধিক, সাহিত্যিকর কলমে মরতা নিঙে অর এমারিকার লাতল এগো চাঙখল ইসে বারো
হাবির আহিগোত পরতই। নিংশিং চে'র ৩ লাতলগোত্ত আরাম্ভ করিয়া এপাগা পেয়া আমার
ইতিহাস, ধর্ম, সংস্কৃতির পুরল পুরল তথ্যনো সাজেল লেখা আসে। এতা মুঙেদে
বিষ্ণুপ্রিয়া মণিপুরি গবেষণাৎ নিয়াম অবদান থ পারতই বারো গাউরাপা পুরিজেলেইর
জিজ্ঞাসু মনর নিয়াম প্রশ্নর উত্তর দে পারতই বুলিয়া মি নিঙকরৌরি। বিষ্ণুপ্রিয়া
মণিপুরির সংস্কৃতির লগে বৈষ্ণব ধর্ম ওতপ্রোত ইয়া থেঙসে। যেহানে নুয়া প্রজন্মর
সৌয়ে ধর্মতত্ত্ব বারো সংস্কৃতি লিমকরে হারপিতে খানি থেতকরের। অতায়া এহানিরে
যথোপযুক্ত নিয়মে বিভ্রান্তি নানিরকা আলাদা করিয়া মুঙেদের লাতলগিত সৌর ঠারে
লেঙকরানির হৎনা করতাঙাই।
আরাকউ লেখা তামকরিক..........
সম্পাদকীয়
লেখক: সুরজিত সিংহ শিশির
নুয়া নুয়া প্রাবন্ধিকর অভাব আহান মুঙেদে দাঙর সমস্যা আহান ইতই এহান হারপানি অকরের। এহানিতউ আমি কাম করিয়ার। যাতে নুয়া নুয়া লেখক
লেখিকা নিকালা পারানি। মুঙেদে নিয়াম কাম করানির হৎনাতে করিয়ার, কিন্তু হবা
সাপোর্ট নাপেইলে নাউ ইতই। অতায়া হাবিয়ে এরে বিষয় এহানিলো খালকরিক বারো কিহান
করানি অকরের এসারে সিদ্ধান্ত আহাত ফৌইকগা। হাবিরে মহারাসলীলার শুভেচ্ছা থাইল।
0 Comment "ভূমিকা - কাজল সিংহ (নিংশিং চে - ২০২৩)"
একটি মন্তব্য পোস্ট করুন