সম্পাদকীয় - সুরজিত সিংহ শিশির (নিংশিং চে - ২০২৩)

যতক্ষণ না নিজর ভিতরে এরে সেন্স এহান না হমার যে, এহান মরতা করানিই লাগতই। ততক্ষণ মানু আগোর ভিতরে কাম অহান লমকরানির বীজ অগো না হঙের। স্কুল, কলেজে তামকরতে মরতা A+ পানাই লাগতই বুলিয়া লেরিক চারাঙ। খৌরাঙহান থানিয়ে আমি অন্ততঃ দিন রাতি লেরিক চানার মন মানসিকতা হঙকরে পাররাঙ। অফিস-আদালতে চাকুরিৎ কাম লমকরানির নির্দিষ্ট সময় থার। আর ঔ সময়র ভিতরে মরিয়া পরিয়া লমকরানি লাগের। মোট কথায় যেপাগা পেয়া কাম আহান করানির কাজে নিজেত্ত ইচ্ছা, আকাঙ্খা না হঙিসে বারো গজর থাকর কোন মানু আগোই যেপাগা পেয়া কাম অহান করানির হৎনা নাকরেদেসে ততক্ষণ কাম অহান করানির ধর্য মানু আগোর ভিতরে নাহঙের। আমি বছরের পর বছর শ্রম দিয়া লেরিক নিকালারাঙ। অথচ, এরে লেরিক এহান পাকরানির মানু নাপারাঙ। আমার সমাজে পাঠকর যবর অভাব পরিসে। পরিবার আহানে সৌ আগোরে এসারে লেরিক তামকরানির হৎনা নাউ করতারা। সৌ আগোরে নিজ ধর্ম, সংস্কৃতি, সাহিত্য, ইতিহাসর গজে লেরিক তামকরুয়ানির ইচ্ছা আকাঙ্খা কোন ইমা বাবারতাই নেয়ো যারগা। বিষ্ণুপ্রিয়া মণিপুরি জাত এহান বপিয়া সংকট আহার ভিতরে দিয়া জিতারাগা।

আরাকউ লেখা তামকরিক..........

মাদৈ- সরারেলর ৱারি লেখক: প্রতাপ সিংহ

“যেবাকা যেদিন যেসারে, অজা! অপাগা অদিন অসারে”- কথাচুটির লগে আমার মণিপুরি সম্প্রদায়র বপিয়া মিল আসে। অর্থহান ইলতাই, যেপাগা যেহান অনার কথা হুদ্দা অহানই ইতই। অহার বাইরে কিত্তাউ নাইবো। মাতানি অকরের এহান মণিপুরি জাতীয় সুবিধাবাদি উক্তিহান। এহানর প্রমাণ মণিপুরি ইতিহাসে পেইতাঙাই। যেবাকা বার্মা রাজা অলুংপায়া মণিপুর আক্রমণ করলো ঔসময়ৎ আমার মানু এতা বাংলাদেশ, মিয়ানমারে বারো আর আর জাগাৎ সিতারলা। মিয়ানমারে গেলাগা অতা নুয়া জাগার লগে মিলিতেগা আস্তে আস্তে বিষ্ণুপ্রিয়া মণিপুরি ধর্ম, সংস্কৃতি লেইমাঙইলা। বাংলাদেশে দাপা আহান যেতা ঘরপাতলা(আমার আপাবপাআসি) তানুতাও রুহিবৃত্তি, ঠারোর লাম কিসাদে কিসাদে নুয়া জাগার মানুর লগে তিলইতে খানি তঙাল ইল। যে মণিপুরেত্ত আমি সিতারলাঙ অহাতউ আমার মানু এতা রাজনীতির ফারাৎ পরিয়া ইমার ঠার, রুহিবৃত্তি লেইমাঙইতে বহিসি। আজি আমার জাত এহান কুনহানদে যারগা ভগবানে হারপাসে। আমেরিকার বিখ্যাত লেখক স্টিফেন কিং গিরকে মাতেসেতা,

“If you don't have time to read, you don't have the time (or the tools) to write. Simple as that.”

সেন্স আহানলো গিরকর উক্তি এহান বাগলে পারাঙ,নুয়া ইতিহাস হঙকরতে ইলে তরতা লেরিক তামকরানিরো সময় থানি লাগতই। অতায়া আমি বিশ্ব মিমাঙে আমার সংস্কৃতি, ঐতিহ্য তুলিয়া ধরতে নিয়াম চর্চা করানির প্রয়োজন আসে। বিষ্ণুপ্রিয়া মণিপুরির ইতিহাস, সংস্কৃতি, ধর্ম, সাহিত্যর মালেম আহান্ন এমারিকার সংখ্যা এহান সিজিল করেসি। আশা করিয়ার এমারিকার লাতল এগো তামকরিয়া পাঠক গোষ্ঠীর দৃষ্টি আকর্ষণ করতই।

লেখক,
সুরজিত সিংহ শিশির
সম্পাদক, নিংশিং চে - ২০২৩

Share :

Tweet

✚

আরও কিছু পোষ্টঃ