নিয়মর খেল
নিয়ম মানার রীতিএহান আদ্যেকাত্ব আজি পেয়া,
জগৎএহান চলেছেতা নিয়ম নীতির আজ্ঞা বয়া।
কালি আইলে কালিকারতা আজি বয়া থাকুরা,
কুঙ্গউ নেই মিকুপ আহান উয়াইসাঙইয়া বকুরা।
ঙালফু ঙাল মুঙবারাদে বেনী গিরক নুকুল্লেই,
সিঙ মানুয়ে মাততারাতা দিনর সিজিল পাজালেই।
পৃথ্বীএহাৎ পড়লেগাহে রইদর মাইর ফাপগো,
মজের হাবি ফায়ফসলৌ ফলমূলএতাউ তাপকো।
হাজম চাবোক উয়া উয়া থম থম হবা শৌগ,
কাপ আকেইহান দিনে বারের পারা চন্দ্রকলার দৌগ।
বাজার বাগের রাতিইলে সুয়াইকো মাঙর জৌ জৌ,
লৌদালৌদি ভিড়র মানু দরদামর চিয়ৌপা রৌ।
আদ্যেকাত্ব আজি পেয়া ন্যায় আচার পালয়া,
নিক্কাদিনর দৌআরতি কুমৈকার্ত্যা সাকোয়া।
বৌহান দিলে পাতা লরের, হাবি বীজৌ সপা উঠের,
সজীব প্রাণি লরের চরের, ডাঙরঅনা বাছা ন্যারের।
জনএহাৎ আক্কুস মাল আকৈছেতা চারিবারা,
এহান অহান এতা অতা মাপৈ মারাঙ বুজের পারা।
কুঙ্গৌ বারো পথহান ধরের পিছে বেলিয়া এতাহাবি,
অমৃত হুয়াটহান পানার তপস্যানো মরণ দাবি।
নিয়মে আকয়া নিয়াম নার নিয়মপালি নাদানি।
কুঙ্গৌ চার নিয়ম বাগিয়া নুয়া নিয়ম হঙ্করানি।
নুয়া নিয়ম হঙ্করলেগাও আরাক নিয়ম সিজিল অর,
চলেছেতা নিয়মর খেল চলতৈ বারো জনমভর।
ডঃ রণজিত সিংহ
ঘোড়ামারা, কমলগঞ্জ, বাংলাদেশ।
0 Comment "নিয়মর খেল-ডঃ রণজিত সিংহ"
একটি মন্তব্য পোস্ট করুন