ছদ্মবেশী রিফ্যুইজি
আমিতে কীতা চর, বাদর, না মাকর !
নাইলে ভূত, প্রেত, জিন নাইলে পূষ্কর !
মানু- আমারতা কীতা 'মান' আছেথাং,
হুসও নেই- বেহুস, হারপাছিহান সেংমাং।
মানুয়ে চলেছি মুঙেদে, আমিতে হাগেদে,
সমাজ-সেবা মুঙেদে, মরণ-কহা চরেদে।
মানুরতা ডাক্তার ইঞ্জিনিয়ার ব্যারিস্টার,
আমারতা গ্যারেজ দারোয়ান ড্রাইভার !
বারনগত ধান দু'গ থাইলে- বাঃ রাজাগ !
ধান হবানার বছর উহান বারো ফকিরগ।
মরণ-জিওনে, বিয়া-সাদি করতে বি-বন্ধক,
আঃ সুদে-আসলে হারেয়া বহিলা হাবি হক।
খেতির বি মানুরাং বন্ধকে, ব্যবসা নাজানি,
বিদ্যাদেও মানুয়ে গজে, হুদ্দা পানা-চাবানি।
চাকুরী পেইতে হৌতা, ঝাণ্ডাগতে আমারতা
হিদমাছ লংচাক খেয়া পাওরি থতা-ভোতা !
এগদে বারো লাম নেই ঠার নেই পরিচয় নেই,
রাজ-পাট হারেয়া ভিক্ষাত লাগেছি দেই-দেই।
কারে কুঙ্গই দিতা, হাবিও তে ভিখারী আজি,
কোন পাপে আমি অছি ছদ্মবেশী-রিফ্যুইজি !
উত্তম কুমার সিনহা
আগরতলা, ত্রিপুরা, ইন্ডিয়া।
ডাঙরিয়া সমাজনিংপা গিরিগিথানি, কবিতাহান কিমে পেইলাইতা ? পাঠকর আসরে মর বানা নুংশি বারো থাকাত থাইল।
উত্তরমুছুন-----কুমার ইউ সিনহা, আগরতলা।