হার্পানি আহের
মর্তা হার্পানি আহের,
অতীতর আগে কীতা আছিলতা
এরে বিশ্বব্রহ্মাণ্ডে ?
কুরাং আছিল পরমব্রহ্ম,
কীতা কর্লতা তা ?
কীসাদে ব্রহ্মাণ্ডহান,
কুঙ্গই হঙ্কর্লতা ?
মানু কুরাংত আহিলা,
পশু পক্ষী হাবি ?
মানু যদি ব্রহ্মদেবই হঙ্করেছে,
অধর্ম অত্যাচার পাপ পূণ্যতে কীয়া ?
মর্তা হার্পানি আহের,
মি কুঙ্গ,
মি কুরাংত আহিলুতা এ ভবে ?
আগের জন্ম পরর জন্ম বুলিয়া
কী কিত্তাও আছেতা ?
থাইলেতে মি আগে কুরাং আছিলু,
কুন্তা মর ইমা বাবা ?
উবাকা মি কীতা
মনুষ্য যোনিত আছিলুগ,
না পশু যোনিত ?
কী পূণ্য ফলে মি উজ্জিলু
মনুষ্য কূলে !
মি কীতা যোগ্য অছুতা
মনুষ্যগ অনির !
পশুয়ে মানুয়ে লাগালাগি উহান
দেহুরি মর মনে।
জরম অয়া মনুষ্য কূলে
মি কীতা হুজে পার্লু মনুষ্য ঋণ !
না এবাকাও পশুর পশুত্ব
মরাং আছেতা !
মর্তা হার্পানি আহের,
কী কাম থায়া মি
উজ্জিলু মনুষ্য কূলে ?
খানা পিনা গুঞ্জানি,
বারো মর্তা কারুল্লে কৌলি লাগানি,
এতাতে পশুর লক্ষণ।
উহানে হার্পানি আহের্তা
মি আসলেই কুঙ্গ ?
বারো কীকাম থায়াতে মি
এপেইত আহেছুতা ?
মি যেতা যেতা করুরি,
এতাই কী মর কাম ?
না মি কাম বিভোলা,
কাম-চরা জীবগ !
মর কামতে কীতা করুরিতা মি ?
মর্তা হার্পানি আহের,
ভবিষ্যতর পিছেতে কীতা ?
এরে হিন দূঃখর ভবলীলা হদেয়াতে
মি কুরাং যিতৌগা ?
উপেইত মরে মি
নিংশিং অইতওতা !
জীবনর হিসাব মি
মিলা পারতওতা !
না গুজামিল বারো ?
উহানে হার্পানি আহের্তা,
চিত্রগুপ্তর খাতাৎ মর্তা
তাংখা নিকল কতি ?
সহ-সভাপতি,
“সমুদ্রমন্থন” বিষ্ণুপ্রিয়া মণিপুরী সাহিত্য প্রকাশনী,
ত্রিপুরা, ভারত ।
ফটো ভার্সনঃ
0 Comment "হারপানি আহের (কবিতা)"
একটি মন্তব্য পোস্ট করুন