হোলি উৎসব এহান বৈষ্ণবীয় মত আহান । বিভিন্ন কারণ সমেত পাঁচদিন পালপা হোলি উৎসব এহান । বিভিন্ন মানুর বিভিন্ন মত থাইলেও প্রধানত তিনহান কারণে এরে উৎসব এহান আমি পালন কররাং হান ।
১। এরে দিন এহাৎ শ্রী চৈতন্য মহাপ্রভু জন্ম নেসিলগা । অহান্ন আমি ভিক্ষা খুজলে "মহা প্রভুর জন্ম হরি হরি বল!" বুলিয়া মাতরাং । এহার অর্থহান, "প্রভুর জন্ম এহানরে হরি হরি (রাধে রাধে) মাতেই" এহান বুঝারহান।
২। হিরণ্যকশিপু রাক্ষস এগোর বনক হোলিকা জিগোত নাপুরানির বর পাসিলি । অহান্ন তেই প্রহল্লাদের নিয়া জিগোৎ হমিতে বর হানর শর্ত ভঙ্গ করানিরকা তেই জ্বললি কিন্তু ভক্ত প্রহল্লাদ না জ্বলিসিল । এহান অশুভ দিক অহাত্ত শুভ দিকহানদে হমাসে বুলিয়া এরে অগ্নিদগ্ধ কুন্ড এগো জ্বালিয়া রাতি পালন কররাং । অরে অগ্নিকুণ্ডর শালিনো আমি তিলক পিদরাং। হবানেই অতা জিগৎ পুরিয়া দহা শালি অতা সেং বারো পূণ্য আনের বুলিয়া আমি অতানো তিলক ধারণ কররাং।
৩। এরে দিন এহাৎ শ্রী কৃষ্ণ গোপীসমেৎ আবিরনো ফাগু খেলাসে বুলিয়া আমি ভগবানর এরে আনন্দ এহানরে জাগতিক আনন্দ আহান বুলিয়া নেরাংগা। যেহান্ন আমি আবিরনো আগোরে আগই সিকদে দিয়া ভগবানর অনুসরণে এহান পালন কররাং । কথিতোঃ আমার শাস্ত্রে এরে লীলা এহান নিয়া হোলির নিয়ামপারা এলা আহান আসে,
"খেলবো খেলবো শ্যাম তোমার সনে, একেলা পায়াসি হেথা নিঠুর বনে ।..."
"ফাগু খেলে গৌরাচান্দ, নদীয়া নগরে গৌর ফাগু খেলে গৌরা চান্দ। যুবতীর চিত্ত হরে নয়ানের স্বরে..."
এছাড়াও, বিশ্ব এহানরে ফাগুন বরণর উৎসব আহান বুলিয়া নিতারাগা ।
লেখাঃ বিষ্ণুপ্রিয়া ইন বাংলাদেশ
0 Comment "মণিপুরি হোলি উৎসব "
একটি মন্তব্য পোস্ট করুন