রাসে আহিলে আগই আগরলগে অতারিয়া নিজর, সমাজর, মানুর খবরা খবর নেরাংগা। আগই কথা আহান, আগই কথা আহান করিয়া হবা হবানেই হাবির আলাপ কররাং। এহানর গজে আমার মানুর বিভিন্ন সংগঠনর পত্রিকা, ম্যাগাজিন, কাগজ ইত্যাদি পাকরিয়া আরাকউ হারৌ আহান পারাঙ। চে আহাৎ আমার মণিপুরি ঠারোর, সাহিত্যর, কৃষ্টি-সংস্কৃতি বারো নানান পৌলো সাজিতারা। এতা পাকরিয়া ঘটনা আহান বারো হান নাপাসি পৌহানি হারপারাং। আমার এরে পুরাতন সংস্কৃতি এহানার সম্মানার্থে বারো সংরক্ষণার্থে তথ্যলো ডকুমেন্ট হংকরে হংকরে থনা থক। বারো হাবি এরে দিন এহাৎ আকতা অরাং বুলিয়া নিয়াম পেপার , ম্যাগাজিন নিকালানি থক। আমার ইতিহাস, সংস্কৃতি , ধর্ম বারো সাহিত্যর কথা আমি কতিহানইবা হারপাসিথাঙ ?
গত চারিবছর ধরিয়া “নিংশিং” বুলিয়া বাৎসরিক ম্যাগাজিন আহান কনাক সৌ কতগই নিকালতারা। গিয়া পূর্ণিমারাসর লেরিকর দুকান পাকদিতে পাসিলু। পাকরিয়া জবর হারৌ লাগিসিল। গাউরাপেই-পুরিজেলেই কতগোর এসারে উদ্দ্যোগ আসলেই প্রশংসনীয়। আমি আগে রাসপূর্ণিমাৎ বারো বিভিন্ন ধর্মীয় অনুষ্ঠান ইলে কতগই মিলিয়া লেখা লেখি করিয়া চে কিতা ফংকরলাং অতা আগেকার ঘটনা। এপাগা আমার যুবক সমাজে এসারে উদ্যোগ লেইয় বলগা। অহান্ন মি আরাকৌ হারৌ ইসু তাঙর এসারে কাম দেহিয়া। মি আশা করুরি তাঙর এরে উদ্যোগ এহান আরাকউ মুঙহানদে আগুইতই বুলিয়া বারো তাঙর লগে থা-পারিয়াউ নিয়াম হারোউ লাগের। মি নিংকরউরি “নিংশিং চে” -এহান পরবর্তী ক্ষেন্তাম অতাৎ আমার মানুর খংচেলগো ইয়া থাইতই বারো সমাজর সাহিত্য মাতাঙে হাবিত্ত দাঙর অবদান থাইতই বুলিয়া। ‘নিংশিং চে’ অহান আরাকউ মুঙেদে আগুয়াক বুলিয়া হাবিরাং মি দৌ হমা দেউরি।।
গত চারিবছর ধরিয়া “নিংশিং” বুলিয়া বাৎসরিক ম্যাগাজিন আহান কনাক সৌ কতগই নিকালতারা। গিয়া পূর্ণিমারাসর লেরিকর দুকান পাকদিতে পাসিলু। পাকরিয়া জবর হারৌ লাগিসিল। গাউরাপেই-পুরিজেলেই কতগোর এসারে উদ্দ্যোগ আসলেই প্রশংসনীয়। আমি আগে রাসপূর্ণিমাৎ বারো বিভিন্ন ধর্মীয় অনুষ্ঠান ইলে কতগই মিলিয়া লেখা লেখি করিয়া চে কিতা ফংকরলাং অতা আগেকার ঘটনা। এপাগা আমার যুবক সমাজে এসারে উদ্যোগ লেইয় বলগা। অহান্ন মি আরাকৌ হারৌ ইসু তাঙর এসারে কাম দেহিয়া। মি আশা করুরি তাঙর এরে উদ্যোগ এহান আরাকউ মুঙহানদে আগুইতই বুলিয়া বারো তাঙর লগে থা-পারিয়াউ নিয়াম হারোউ লাগের। মি নিংকরউরি “নিংশিং চে” -এহান পরবর্তী ক্ষেন্তাম অতাৎ আমার মানুর খংচেলগো ইয়া থাইতই বারো সমাজর সাহিত্য মাতাঙে হাবিত্ত দাঙর অবদান থাইতই বুলিয়া। ‘নিংশিং চে’ অহান আরাকউ মুঙেদে আগুয়াক বুলিয়া হাবিরাং মি দৌ হমা দেউরি।।
0 Comment "ভূমিকা - কাজল সিংহ"
একটি মন্তব্য পোস্ট করুন