আমার ভাষার অক্ষর নেই । অতা বুলিয়া আমি ভাষাহীন নাবে । আমার জাতি গুষ্ঠী বারো আমার পূর্ব পুরুষর ঠান আহান আসে । আমি হাবিয়ে অহানরে "ইমার ঠার" বুলরাং । বাংলা ভাষারকা যেসারে ৫২'র ভাষা আন্দোলন ইসিল অসারে আমার ঠার এহারকাও যুদ্ধ ইয়া গেছেগা । আজিত্ব ২২ বছর আগে আসামে আমার ঠার এহার স্বীকৃতি পানারকা দীর্ঘ সময় আহান যুদ্ধ চলেয়া গেসিলগা । ইমার ঠার এহার স্বীকৃতি পানারকা ১৯৯৬ সালর মার্চ মাসে ৫০১ ঘণ্টা রেলপথ-রাজপথ হাবি অবরোধ করিয়া আন্দোলন করানি ইসিল । মিছিলর পর মিছিলে সারা আসামর বরাতে থম থম অবস্থা বিছিয়া আসিল । মিছিল আহাৎ ঐ সময়র সরকারি ইঙ্গিতে পুলিশে গুলি চালাসিলা । গুলির আঘাতে অহাৎ "কুমারি সুদেষ্ণা সিংহ" প্রাণ বিসর্জন দিলো । বারো লগে আরাকউ আহত ইসিলাতা অরুন সিংহ, প্রমোদিনী সিংহ, কমলাকান্ত সিংহ, দীপংকর সিংহ, প্রতাপ সিংহ, নমিতা সিংহ, রত্না সিংহ, বিকাশ সিংহ, শ্যামল সিংহ সহ আরাকউ নিয়ামপারা ভাষাসৈনিক । ইমা সুদেষ্ণার আত্মত্যাগ আমার ভাষা এহানরে দিলো ভাষা স্বীকৃতি । পেইলাং আন্তর্জাতিক সমর্থিত ঠার আহান । আমি তর এরে আত্ম ত্যাগ কোনদিন পাহুরে নুয়ারবাং যতদিন এমাটির বুকে বিষ্ণুপ্রিয়া মণিপুরি জাত এহান থাইতাই ।
ফেইসবুকে আমি ইভেন্ট আহান খুলিসি । হমিয়া বিস্তারিত হারপানি পারোর ।9দি. :9 ঘ. :5 মি. :8 সে.
0 Comment "সুদেষ্ণা দিবস ২০১৮ (বাংলাদেশ ইভেন্ট)"
একটি মন্তব্য পোস্ট করুন