জারহান আহিল
পলাশ সিংহ
খুয়া বেলিয়া জারহান আহিল,
বউদিয়া জারহান আহিল।
জারহান আহিল গারি নিঙে,
হালকা হালকা নিকদুইয়া।
বেয়ক বুনক লাগালাগি,
কেন্দাহান নিয়া টানাটানি।
ইমা মাতিরি না লাগিয়ো,
খানার সময় ইল হিনেইগা।
সপার পাতা আন্ধিরা ইয়া
ঝঙে ঝঙে পরের।
পাখিয়া অতা বিবুলা ইয়া
এহান্দে ওহান্দে ফুর্দেও,
জারোর রাতি টুপটুপ করিয়া
খুয়ার শিক পরের ।
গুরুছাঙগর চালহার গজে-
কুমারার পাতা মরের।
রাতিহান নমিয়া বিহানহান অর,
জারহান না জারগা টুপি শাল পর।
কেন্দাহাত তো নামানি জানহানে নাদের,
তারপরও বিহানে উঠনি লাগের।।
0 Comment "জারহান আহিল (কবিতা) - পলাশ সিংহ (নিংশিং চে - ২১০৬)"
একটি মন্তব্য পোস্ট করুন