সমালোচনাত্ত
দলাদলি
“এতাহাবি সংগঠন তানুরতা কিতা খেয়া দেয়া কাম
কাজ নেইতা । আহান না আহান কারণ নিকালেয়া রুপা চানাৎ আহিতারা । এমতাহা আহিলেতে #??!!@:?@ লো
বারিতউগোহে ।” এসাদে কথা আমি নাহুনিয়ার নাবে । প্রশ্ন প্রশ্নলো আমার সমাজর সামাজিক
সংগঠন এতারে পসিতারা মানুর অভাব নেই । তানুরে আঙকরা আঙকরি করলে মাত্তারা, “মিতে
এতা কিদিয়া করতউতা । এতা করানিরকাই তানুরে পদ দিয়াসিতা এমনে ?” মাত্তে কিত্তাও নেই
কিন্তু করতে গেলেগা হারপানি যে কাম আহান কতিহান চেইতে সহজ বারো করতে কতিহান কঠিন ।
আইচ্চা ধরলো মি, সংগঠন এতাই কিত্তাও নাকরতারা । কমছে
কম বছরে সমাজরকা বুলিয়া কামসৌ আকিয়ানতে অবশ্যই করতারা । বছরে সেমিনার বারো সাধারণ
সভা আহান ডাহিয়া গাঙ গাঙর কতগো মানু কতগোতে তিলইতারা । তিলয়া সমাজরকা জাতিরকা বিষয়াবিষয়
নিয়া খানিপ্পারা আলোচনা করতারা । তাইলে তি কার #(?;@^$# ছিরোর ।
“নিজর কাজে জনমহান সমাজর কাজে মিকুপ আহান ।” কথা এহান কিতা হুদ্দা সাংগঠনিক মানুরে
মাতেসিহান ? দিন যারগামাহি মনীষীয়ে মাতে গেছিগা কথা অতার দাম নেয়ো আহের । তিতে
মিকুপ আহানোও সমাজরকা দিয়া নওয়ারর । হাবিত্ত দাঙর কথাহান ইলতাই আমি বাংলাদেশে
সংখ্যালঘু সম্প্রদায় আহান । এহাত নিজর উদ্দ্যোগে আমি কাম করানিতে বেলেয়া মানুর দোষ
দরানিত ব্যস্ত থারাঙ । বিশেষ করিয়া আমি যেতা গাউরাপুয়েই বারো পুরিজেলেই আসি আমি
সচেতন ইলে সমাজর কোন হালাই কিত্তাও মাতানিরতা আসিতা । আমি মিকুপ আহান সময়োও সমাজর
কোন কাম আহান করানিরকা সময় দিয়া নওয়াররাং । বারো আমার কুমেই টুমেই ইলে জীবনে
নাদেহিসত গাউরাপেই পুরিজেলেইও দেখেতেই । কিহান করতারাগা ? নিঙল সৌ চেইতারা । “উঃ
বাই চারে চারে জেলা অগো কি চুনাহান । আকমু যদি @?%##:) । আর এপাগার নিঙলোউ লোহঙর বাজারহাত কাহানিরকা দুরিপা কাদাপা কুমেই বাদ
দেনা বেল্লা । আর বেয়াপা ইয়া পোষাক আষাক যদি ঠিক নাথার তাইলে
আমার সংস্কৃতিহান কোনহান্দে যারগা ?
আহানদেতে মিয়াঙঅর বুরখা পিদানি মি সমর্থন করুরি ।
মি এহান নামাতুরি যে, তানুর অসাদে বুরখা পিদেই । সংস্কৃতিহান ধরিয়া থনারকা আমি
হাবিয়ে সচেতন ইয়া আমার জাতীয় পোষাক আষাক পিদিয়া সামাজিক কুমেইত জিকগা । কুমেইত দেশ
বিদেশর মানু ইযোমিতারা । তানুয়ে ফটো তুলিয়া নিতারাগা । ফটো ঔতাত যাতে আমার
সংস্কৃতি অহান ফুটিয়া উঠে পারানি । তার তুনো আরাকাগো, আরাকাগোর তুনো আরাকাগো অসাদে
করিয়াই না সংস্কৃতি আহান প্রকাশ পারতা । আমিই যদি গাফিলতি করোরাঙ তাইলে আমার
সংস্কৃতিহার না অস্তিত্ত্ব থাইতই না শালইতই । বুজনে নকুন-চন্দন পিদানি বেল্লা ।
মৌনা বেয়াপায় ধর্মীয় কাম কাজ বেল্লা এপাগা কিসারে তানুর সৌয়ে সংস্কৃতি বারো ধর্ম
সম্পর্কে হারপিতাইতা । আমি ঘরে কোন দৌগো হমাদেরাং অহানোউ এপাগার গাউরাপেই
পুরিজেলেই মাতে নয়ারবা । কারণ, চর্চা ব্যবহার নেই । কিন্তু মোবাইলর যেকোন কাম আহান
আঙকর । প্রশ্নহার আগে জটফট । লোহঙে বারো জাতর সালে হিং দারাদারি ।
আমার কমলগঞ্জে গড় হিসাব আহানে মাতের দশগো ঘরে
পার্টি আহান । এহান্তে কিহান ? যুব মহামেলোর কা আমি কোম্পানিগঞ্জর ধ্বনিটিলাত
গিয়াসিলাঙগা । রাতি সভাহাৎ উঠিল তানুর দলগত সমস্যা অতা । আসিতা ২০গো ঘর বারো বিশ
ঘরর মধ্যে চারিহান দল । খানি শক্তিশালী অতাই নিজে নিজে দল আহান হংকরিসি । মিয়াঙে
মন্দির,জাগা দখল করলেগা আমার কতগো মানুয়েই তানুরে সমর্থন দিতারা । কতিহান আমি নিচে
পরলাংতা । আমি কিতা এহাত্ত নিকুলে নওয়ারবাংতা ?
লেখকঃ রনি কুমার সিংহ
মৌলভীবাজার পলিটেকনিক ইন্সটিটিউট,কম্পিউটার বিভাগ, ১ম বর্ষ ।
0 Comment "সমালোচনাত্ত দলাদলি-রনি কুমার সিংহ -[নিংশিং চে-২০১৫ ]"
একটি মন্তব্য পোস্ট করুন