আধুনিক মণিপুরি
মি বিষ্ণুপ্রিয়া
মণিপুরিগো বুলিয়া গর্ব করুরি । কিন্তু মরতা খুব খারাপ লাগের যেপাগা নিজরাঙ মি যে
বিষ্ণুপ্রিয়া মণিপুরিগো অহার প্রকৃত অস্তিত্বহান নাপাউরি অহাত । গুরুরাংতো দীক্ষা
নেনার পরেত আমারতা উচিত নারগৎ মালা বারো গারিগৎ নকুন আহান পিদানি । কিন্তু
আধুনিকতায় আমারে সকিয়া আমি হাবিতা পাহুরে বেল্লাঙ । এমনকি আমি ধর্মীয় কামেও মালা
চন্দন নকুন না পিদরাং । এপাগার যুগর গাউরাপেইরাঙ এহান বিরক্তিকর জিনিস আহান ছাড়া
আরতা কিত্তাও নাবে । যেহানই অক, মি বর্তমানে সিলেটে লেরিক তামকরউরি । মিয়াং
আগরলগে ঘর আগত থাউরি বারো তার লগেই আকতাইয়া খাউরি । হাবি আলোচনার পর
আমি ধর্ম নিয়াও নিয়াম কথা বার্তা টটোররাং । অনেক সময় এহান
টোটরানিত্ত তর্ক-বিতর্কৎ গিয়া পরবরেরগা । কিন্তু আমার ধর্ম সম্পর্কে মর জ্ঞান তানুর
চুটি আগোর লগেও সমান নারগা । যারকা মি হুদ্দা আমার ধর্মহানরে সমর্থন দিয়া ইংগো ইয়া
থানা ছাড়া আর উপায় নাপাউরি । হুদ্দা মি
কিদিয়া, মরসাদে আমার মণিপুরি যেতা গাঙ দেশ বেলেয়া লেরিক তামকরানিরকা
বারো চাকুরিরকা বাইরে গিয়া থাইতারাগা অতাও মি নিশ্চিত এসাদে সমস্যার লগে ফাংনা
ইতারা । তাঙিঅউ মরসাদে ইংগো ইয়া থা হাইবা । কারণ, এপাগার গাউরাপেই বারো পুরিজেলেই ধর্ম নিয়া উদাসীন । আমারে হুরকাং কালে ধর্মীয়
কোন শিক্ষা হবা করিয়া নাদিয়াছি ।
দূর্গা পূজার মত জাগা অতা আজিকা কুমেই আহান বুলিয়া পালন কররাং । ধর্মীয়
কুমেইয়ে নুয়া র্যাপ হিন্দি এলা ছাড়া আসরগো গরম নার । যেহাৎ ধর্মীয় কামদাম বারো
ধর্মীয় এলা দেনা থক অহাৎ এসারে কাম কাজ চলের । শাস্ত্রীয় এলা বেলেয়া ঢাকাত্ত শিল্পী আনতারাগা । আরাকউ কথা আহান, গাউরাপেই বিদেশী শিল্পী নানলে ঔহাত নাথাইতারা । কিদিয়া
বুলতে গাঙ গরর সৌ সুমারা এলা দিতারা বুলিয়া । “তাঙর এলা বারো কুংগই হুনতো ?” এপাগা আমার ধর্মীয় কুমেইৎ (বিশেষ করিয়াঃ
পূজা,লোহং) মদ গাঞ্জার আখারাহান গরম নাইলে গাউরাপেই
বিসারিয়া পানা হিন । মাতানিরতা আরতা কিত্তাওউ নেই যে, এসারে কাম কাজ
এতা আমার স্বাভাবিক কার্যকলাপর বুকগদে ইয়া সংস্কৃতির বুকগৎ হমা বলগা । এপাগার যুগে
আমার মণিপুরির ভিতরে দাঙর মানু আগোরে সম্মান আহান দেনা অহান উঠো বলগা । জেঠা বেয়ক
বনকনকীরে নমস্কার বারো প্রণাম আহান জানুয়ানি
অহান মডেলগোত শাস্ত্রত্ত উঠোবলগা । আসলে মি মনে করুরিতা এহান মানুর অহংকারহাত্ত
আহেসেহান । আমার জাতিগত বৈষম্য আহান । কথাহান ইলতাই, “তা কিগো বারো তারে মি গনতউতা ।” যেমন, “বিচারপতিগো ইসে অহাত্তে মরতা কিতা ইসে ।” এহার পিসেদে আরাকউ কথা আহান আছে । আমার ভাষাৎ ইংরাজিরসাদে
আপনি,তুমি,তুই অতাহাবিরে “তি” শব্দ অহান ব্যবহার করিয়া অতারতারা । কতগো ইলে “তুমি” । “আপনাআছি” বারো “আপনি” কথা এহান ব্যবহার নাকরতারা । অতায়া বুজন,ইমাইন্দল,গুরু,জেঠা বেয়োক
বেইবুনিরে তি বুলিয়া মাততারাথাংতে ধরে নয়াররাং গিরকে কিভাবহানলো টটারলোহান । যদিও তি বুলিয়া মাতানি
পরের তাইলে আগে দাদা, দিদি, ইমা, বাবা, ব্যবহার করিয়া তি মাতলে তার ভক্তি অহান
প্রকাশ পার । যেমন, দাদা তি...,ইমা তি...,দিদি তি... । তি বুলিয়া টোটরানিরমা
শুরধ্বনির অনেক ব্যঞ্জনা আছে । অনেক কথা আছে যেতাত দাৎ করিয়া “তি” মাতেয়া অতারলে অহানরে বেয়াদবি বুলিয়া মাতানি
অকরের । হাবিরাং অনুরুধ থাইতই দাঙতার লগে টোটরানির
খেন্তামমা ভাষার শুদ্ধ ব্যবহার করিয়া টোটরানিরকা ।
মাস্টার্স, অর্থনীতি বিভাগ,
এম.সি. কলেজ।
→○←
0 Comment "আধুনিক মণিপুরি - সঞ্জয় সিংহ [নিংশিং-২০১৫]"
একটি মন্তব্য পোস্ট করুন